ട്രംപ്-ക്ലാസ്’; ചരിത്രം തിരുത്തി ഡൊണാൾഡ് ട്രംപ് — പുതിയ യു.എസ്. യുദ്ധക്കപ്പലിന് സ്വന്തം പേര്

 

ട്രംപ്-ക്ലാസ്’; ചരിത്രം തിരുത്തി ഡൊണാൾഡ് ട്രംപ് — പുതിയ യു.എസ്. യുദ്ധക്കപ്പലിന് സ്വന്തം പേര്

വാഷിംഗ്ടൺ | ജനത TV ന്യൂസ്

അമേരിക്കൻ നാവിക സേനയുടെ ചരിത്രത്തിൽ പുതിയ അധ്യായം തുറന്ന് ഡൊണാൾഡ് ട്രംപ്.

രാജ്യത്തിന്റെ പുതിയ തലമുറ യുദ്ധക്കപ്പൽ പദ്ധതിക്ക് ‘ട്രംപ്-ക്ലാസ്’ എന്ന പേര് നൽകുമെന്ന് യു.എസ്. പ്രസിഡണ്ട് ഔദ്യോഗികമായി പ്രഖ്യാപിച്ചു.

ഇത് യു.എസ്. ചരിത്രത്തിലെ ഏറ്റവും വലിയ യുദ്ധക്കപ്പൽ പദ്ധതിയാണെന്നും ട്രംപ് വ്യക്തമാക്കി. സാധാരണയായി സ്ഥാനമൊഴിഞ്ഞ ശേഷം ദേശീയ നേതാക്കൾക്ക് ആദരസൂചകമായാണ് ഇത്തരത്തിൽ യുദ്ധക്കപ്പലുകൾക്ക് പേരിടാറുള്ളത്.

എന്നാൽ സ്വന്തം ഭരണകാലത്ത് പ്രഖ്യാപിക്കുന്ന പദ്ധതിക്ക് സ്വന്തം പേര് നൽകുന്ന ആദ്യ യു.എസ്. പ്രസിഡണ്ട് എന്ന അപൂർവ നേട്ടവും ട്രംപ് സ്വന്തമാക്കി.

ട്രംപിന്റെ ഫ്ലോറിഡയിലെ മാർ-എ-ലാഗോ വസതിയിൽ വിളിച്ചുചേർത്ത വാർത്താസമ്മേളനത്തിലായിരുന്നു പ്രഖ്യാപനം.

ചടങ്ങിൽ പെന്റഗൺ മേധാവി പീറ്റ് ഹെഗ്‌സെത്ത്, സ്റ്റേറ്റ് സെക്രട്ടറി മാർക്കോ റൂബിയോ, നാവിക സെക്രട്ടറി ജോൺ ഫെലൻ എന്നിവരും ട്രംപിനൊപ്പം സന്നിഹിതരായിരുന്നു.

‘ട്രംപ്-ക്ലാസ്’ യുദ്ധക്കപ്പലുകൾ ലോകത്തിലെ ഏറ്റവും മാരകവും അത്യാധുനികവുമായ ഉപരിതല യുദ്ധക്കപ്പലുകളിൽ ഒന്നായിരിക്കുമെന്ന് ട്രംപ് മാധ്യമങ്ങളോട് പറഞ്ഞു.

ആദ്യഘട്ടത്തിൽ രണ്ട് ട്രംപ്-ക്ലാസ് യുദ്ധക്കപ്പലുകൾ നിർമ്മിക്കാനാണ് തീരുമാനമെന്നും അദ്ദേഹം അറിയിച്ചു.

അമേരിക്കൻ സൈനിക ശക്തിയെ പുതിയ തലത്തിലേക്ക് ഉയർത്തുന്ന പദ്ധതിയായി ‘ട്രംപ്-ക്ലാസ്’ മാറുമെന്നും, ആഗോളതലത്തിൽ ഇത് വലിയ ചർച്ചകൾക്ക് വഴിയൊരുക്കുമെന്നും വിലയിരുത്തപ്പെടുന്നു.