പാലാ മാരത്തൺ ജനുവരി 18ന്
പാലാ മാരത്തൺ ജനുവരി 18ന്
സെന്റ് തോമസ് കോളേജ്, എൻജിനീയേഴ്സ് ഫോറം, ലയൺസ് ക്ലബ് സംയുക്തമായി സംഘടിപ്പിക്കുന്നു
പാലാ:
പാലാ സെന്റ് തോമസ് കോളേജിന്റെയും എൻജിനീയേഴ്സ് ഫോറം പാലയുടെയും ലയൺസ് ക്ലബ് ഇന്റർനാഷണൽ 318 ബിയുടെയും സംയുക്ത ആഭിമുഖ്യത്തിൽ സംഘടിപ്പിക്കുന്ന രണ്ടാമത് പാലാ മാരത്തൺ ജനുവരി 18ന് പാലായിൽ നടക്കും.
പുരുഷ–വനിത വിഭാഗങ്ങളിലായി 21 കിലോമീറ്റർ ഹാഫ് മാരത്തൺ, 10 കിലോമീറ്റർ ഓട്ടം, 3 കിലോമീറ്റർ ഫൺ റേസ് എന്നീ വിഭാഗങ്ങളിലാണ് മത്സരങ്ങൾ നടത്തപ്പെടുക. ഹാഫ് മാരത്തണിലും 10 കിലോമീറ്റർ ഓട്ടത്തിലും ആദ്യ അഞ്ച് സ്ഥാനങ്ങളിൽ എത്തുന്നവർക്ക് ക്യാഷ് പ്രൈസ് ഉൾപ്പെടെയുള്ള ആകർഷക സമ്മാനങ്ങൾ നൽകും.
മത്സരത്തിൽ പങ്കെടുത്തു ഓട്ടം പൂർത്തിയാക്കുന്ന എല്ലാ മത്സരാർത്ഥികൾക്കും ടി-ഷർട്ടും മെഡലും നൽകുമെന്ന് സംഘാടകർ അറിയിച്ചു. പങ്കെടുക്കുന്നവർക്ക് മത്സരശേഷം പ്രഭാതഭക്ഷണവും ഒരുക്കുന്നതാണ്.
മാരത്തണിൽ പങ്കെടുക്കാൻ ആഗ്രഹിക്കുന്നവർ പാലാ മാരത്തണിന്റെ ഔദ്യോഗിക വെബ്സൈറ്റ് വഴി രജിസ്റ്റർ ചെയ്യണം.
👉 palamarathon.efpala.org
2025 ജനുവരിയിൽ നടന്ന പ്രഥമ പാലാ മാരത്തണിൽ 400ലധികം കായികതാരങ്ങൾ പങ്കെടുത്തിരുന്നു. ഇത്തവണയും പങ്കെടുക്കുന്ന താരങ്ങൾക്ക് മികച്ച സുരക്ഷാ സംവിധാനങ്ങൾ ഒരുക്കുമെന്ന് സംഘാടകർ വ്യക്തമാക്കി.
കൂടുതൽ വിവരങ്ങൾക്ക് ബന്ധപ്പെടുക:
📞 ചെറി മേനാംപറമ്പിൽ – 98465 66483
📞 മാഗ്ഗി മേനാംപറമ്പിൽ – 99613 11006
📞 ഡോ. ജിൻസ് കാപ്പൻ – 94477 12616
ജനത ടിവി – ജനങ്ങളുടെ ശബ്ദം.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ