വിജയ് ദിവസ്: പ്രധാനമന്ത്രിയുടെ സന്ദേശം

 

വിജയ് ദിവസ്: പ്രധാനമന്ത്രിയുടെ സന്ദേശo

വിജയ് ദിവസിന്റെ ഭാഗമായി 1971ലെ യുദ്ധത്തിൽ ഇന്ത്യയ്ക്ക് ചരിത്രവിജയം സമ്മാനിച്ച ധീരസൈനികരെ രാജ്യം ആദരവോടെ സ്മരിക്കുന്നതായി പ്രധാനമന്ത്രി പറഞ്ഞു. അവരുടെ അതുല്യമായ ധൈര്യവും ത്യാഗവും രാജ്യത്തിന്റെ സുരക്ഷ ഉറപ്പാക്കി, ഇന്ത്യൻ ചരിത്രത്തിൽ അഭിമാനകരമായ ഒരു അധ്യായം കുറിച്ചുവെന്നും അദ്ദേഹം വ്യക്തമാക്കി.

രാജ്യസ്നേഹവും അചഞ്ചലമായ മനോഭാവവും കൈമുതലായിരുന്ന സൈനികരുടെ സേവനം എന്നും രാജ്യത്തിന് പ്രചോദനമായിരിക്കുമെന്ന് പ്രധാനമന്ത്രി പറഞ്ഞു. അവരുടെ വീരത്വത്തിനും ആത്മത്യാഗത്തിനും വിജയ് ദിവസ് രാജ്യത്തിന്റെ ആദരസല്യൂട്ടാണെന്നും, ആ മഹത്തായ ആത്മാവ് തലമുറകളോളം ഇന്ത്യക്കാരെ പ്രചോദിപ്പിക്കുമെന്നും അദ്ദേഹം കൂട്ടിച്ചേർത്തു.