മഹാനടൻ മധുവിന് 'തൂഫാൻ വാരിയർ' ബാഡ്ജ്; ലഹരിവിരുദ്ധ ദൗത്യത്തിന് പിന്തുണ പ്രഖ്യാപിച്ച് താരം

 മഹാനടൻ മധുവിന് 'തൂഫാൻ വാറിയർ' ബാഡ്ജ്; ലഹരിവിരുദ്ധ ദൗത്യത്തിന് പിന്തുണ പ്രഖ്യാപിച്ച് താരം

തിരുവനന്തപുരം: ലഹരിവിരുദ്ധ ബോധവൽക്കരണ ക്യാമ്പയിനായ 'തൂഫാൻ' പദ്ധതിയുടെ ഭാഗമായി കേരളത്തിന്റെ ആഭ്യന്തരമന്ത്രി മഹാനടൻ മധുവിനെ അദ്ദേഹത്തിന്റെ വസതിയിലെത്തി സന്ദർശിച്ചു. പോലീസ് ഉദ്യോഗസ്ഥരോടൊപ്പമാണ് മന്ത്രിയുടെ സന്ദർശനം.

സന്ദർശനത്തിനിടെ മധുവിന് 'തൂഫാൻ വാറിയർ' ബാഡ്ജ് ധരിപ്പിച്ചു. പ്രായാധിക്യത്തെ തുടർന്നുള്ള ആരോഗ്യപരമായ ബുദ്ധിമുട്ടുകൾ കാരണം പൊതുപരിപാടികളിൽ സജീവമല്ലെങ്കിലും, ലഹരിക്കെതിരായ ഈ സാമൂഹിക ദൗത്യത്തിന്റെ ഭാഗമാകാൻ കഴിഞ്ഞതിലുള്ള സന്തോഷം അദ്ദേഹം പങ്കുവെച്ചതായി മന്ത്രി അറിയിച്ചു.

ലഹരിമുക്തമായ ഒരു സമൂഹം സൃഷ്ടിക്കുന്നതിനായി സമൂഹത്തിന്റെ എല്ലാ മേഖലകളിലുള്ളവരുടെയും സജീവ പങ്കാളിത്തം ഉറപ്പാക്കുകയാണ് 'തൂഫാൻ' ക്യാമ്പയിന്റെ ലക്ഷ്യമെന്ന് ആഭ്യന്തരമന്ത്രി വ്യക്തമാക്കി. യുവതലമുറയെ ലഹരിയുടെ പിടിയിൽ നിന്ന് രക്ഷിക്കുന്നതിനുള്ള പോരാട്ടത്തിൽ എല്ലാവരുടെയും പിന്തുണ അനിവാര്യമാണെന്നും അദ്ദേഹം പറഞ്ഞു.

സിനിമ, സാംസ്കാരിക, സാമൂഹിക മേഖലകളിലെ പ്രമുഖരുടെ പങ്കാളിത്തം ലഹരിവിരുദ്ധ പ്രവർത്തനങ്ങൾക്ക് കൂടുതൽ കരുത്തേകുമെന്ന പ്രതീക്ഷയിലാണ് സർക്കാർ.

#ToofanCampaign #AntiDrugMission #Madhu #KeralaPolice #JanathaTVNews